رغم إن العلاج الطبيعي بقى جزء مهم من خطة العلاج في معظم التخصصات الطبية، إلا إن فيه مفاهيم غلط منتشرة بتخلي بعض الناس يرفضوا العلاج أو يتوقعوا منه نتائج غير واقعية.
تعالي نوضح مع بعض أشهر المفاهيم الخاطئة ، ونصححها بلغة بسيطة وواضحة
"العلاج الطبيعي هو مجرد مساج"
العلاج الطبيعي أوسع بكتير من المساج.
هو تخصص طبي مبني على تقييم الحالة، تحديد سبب المشكلة، ووضع خطة علاجية تشمل:أجهزة تحفيزعلاجيه كهربائيه ،علاج يدوي،تأهيل وظيفي،إرشادات للحياة اليوميه الصحيه .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
"لو ما حسيتش بتحسن من أول جلسة يبقى مش هيفيدني"
العلاج الطبيعي مش مسكن، لكنه علاج تدريجي
زي ما المرض أو الإصابة خدت وقت علشان تظهر، الشفاء برضه بياخد وقت
بعض الحالات بتحس بتحسن بعد أول أو تاني جلسة، لكن حالات تانية محتاجة التزام بـ 6-10 جلسات أو أكثر علشان تبدأ النتيجة تظهر.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
"أقدر أوقف الجلسات لما أحس إني بقيت أحسن"
كتير من المرضى بيبدأوا يتحسنوا ويوقفوا الجلسات بدري
وده بيؤدي غالبًا لرجوع الألم أو تكرار الإصابة، لأن الجسم لسه ما استكملش التأهيل
من المهم تكملة الخطة العلاجية بالكامل، حتى لو الألم خف، لضمان ثبات التحسن
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
"أخصائي العلاج الطبيعي هيشتغل وأنا مرتاح مليش أي دور"
العلاج الطبيعي فيه جزء كبير بيعتمد على مشاركة المريض
محتاج تشتغل مع الأخصائي، تطبق التمارين في البيت، وتلتزم بالتعليمات.
نجاح العلاج بيبدأ منك أنت بإلتزامك بكل تعليماته .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
"كل مراكز العلاج الطبيعي بيقدموا الخدمه زي بعض"
فيه فرق كبير بين المراكز في الخبرة، جودة الأجهزة، وخطة العلاج
أخصائي متمكن بيقيّم حالتك بشكل دقيق، ويتابعك كويس
اختيار المكان الصح بيفرق جدًا في النتيجة
الفهم الصحيح للعلاج الطبيعي بيساعدك تستفيد منه بأفضل شكل، وإحنا في شركة غايتكم بنهتم بتطبيق الخدمه الطبيه بأكملها ،بداية من الأخصائي مقدم الخدمة والاجهزة المساعده ومتابعه الخطة العلاجيه أثناء الجلسات .
ما تخليش المعلومة الغلط أو التجربة السلبية عند حد تاني تمنعك من إنك تتحسن ،انت بنفسك تقرر من دلوقت تكون أفضل .
اسأل، افهم، وشارك في علاجك… وإوعى تستسلم للألم..
comments